Madamo nga mga negosyante ang naghinulsol sa pagkuha sang kiosko sa palibot sang Bacolod public plaza kadungan sang MassKara Festival.
Sa interview sang Bombo Radyo kay Donard Quirante, manugbaligya sang inasal sa kilid sang plaza, P25,000 ang ginbayaran nila sa pag-avail sang pwesto apang mahina ang baklanay bangod sa tiyempo.
Sa karun, nakabawi na sila sang bayad sa renta, apang kinahanglan nila nga batakon ang gasto sa gamit kag sa pagpatindog sang kiosko.
Ginahulat sini ang nagalapit nga highlights sang Masskaara Festival kun sa diin ginalauamn nga magadamo ang ila ang customer.
Dugang pa sa kabudlayan nila ang pag-agwada sang tubig kag ang pagsiga sang kuryente nga nagasugod alas-3:00 sang hapon.
Suno kay Sorante, wala gid sila nakahibalo nga wala sang mga event ukon aktibidades sa plaza gani ginalauman sini nga mabawi ang ila nga gasto nila.
