Nagapati ang Provincial Agriculturist sang Negros Occidental nga indi pa ulihi ang tanan para masalbar ang sektor sang agrikultura.
Sa interview sang Bombo Radyo Bacolod kay Atty. Japhet Masculino, ginakasubo niya nga nag-number one ang Pilipinas sa mga pungsod nga may pinakamadamo nga gina-import nga bugas matapos malapawan sini ang China nga mas madamo ang populasyon.
Suno diri, indi man mapa-anggid ang pagkonsumo sang bugas sa China bangod indi man purely rice eating country ang nasambit nga pungsod.
Madamo ang gin-import sang pungsod nga bugas suno kay Masculino bangud ginalagas sini ang taripa nga pagagamiton sa paghatag sang financial assistance sa lokal nga mga mangunguma.
Nagpanawagan ang provincial agriculturist nga dapat pagabuligan sang gobyerno ang lokal nga mga mangunguma bangud gin-una ang implementasyon sang Rice Tariffication Law sa baylo nga ihanda ang mga ini sa epekto sang pagbaha sang imported rice.
