Aprubado na sang International Criminal Court Pre-Trial Chamber I ang indi pagtambong ni former President Rodrigo Roa Duterte sa iya Confirmation of Charges sa Pebrero 27.
Madumduman nga nagsumiter ang kampo ni Duterte sang nagligad nga Pebrero 23 sang request, nga indi ini maga-attend sa iya hearing sa nasambit nga petsa.
Nahibaluan man nga subong nga adlaw, Pebrero 26, ang ikatlo nga adlaw sang Confirmation of Charges sang anay presidente sa mga kaso nga crimes against humanity sa International Criminal Court.
Samtang, nagapabilin nga positibo kag good spirit si Former President Rodrigo Duterte sa pihak sang mga kaso nga may kaangtanan sa iya kampanya batok sa illegal nga droga.
Suno sa iya abogado nga si Nicholas Kaufman, apisar nga may ginabatyag nga sakit si duterte ginapreparahan sini ang mga masunod nga hugnat sang iya nga hearing.
Ginpanindugan man sini nga si President Ferdinand Marcos Jr ang yara sa likod sa pagpondo sang mga tesitigo batok kay duterte sa International Criminal Court (ICC).
