Gin-anunsyar ni Philippine Statistics Authority (PSA) Undersecretary Claire Dennis S. Mapa, nga naghinay ang paghulag sang mga presyo sang nagapanguna nga mga produkto kag serbisyo sang bulan sang July.
Suno kay Mapa, narekord sang nagligad nga bulan ang inflation rate nga 0.9 percent.
Mas mahinay ini kun ipaanggid sa 1.4 percent sang June 2025.
Nalakip sa mga nakacontribute sa mahinay nga inflation rate ang housing, tubig, kuryente, gas kag iban pa nga gatong.
Nalakip pa diri ang mahinay nga pagtaas sang presyo sang kuryente kag pagnubo sang presyo sang LPG.
Nakacontribute man diri ang paghinay sang inflation sa food and non-alcoholic beverages kaangay sang presyo sang bugas, kamatis, kag saging.
Dugang pa sa nakacontribute man ang transport bangud sa mahinay nga pagnubo sang pamasahe sa barko kag sa eroplano.
