Inflation rate sa Pilipinas sa bulan sang Oktubre, ginalantaw nga nagdangat sa 1.4 tubtob 2.2 percent

Ginalantaw sang Bangko Sentral ng Pilipinas (BSP) nga magadangat sa 1.4 tubtob 2.2 percent ang inflation subong nga Oktubre.

Sa statement nga ginpagwa sang BSP ang ginalauman nga pagsaka ang bangud sang pagmahal sang bugas, isda, utanon kag kuryente.

Nalakip man ang pagnubo sang balor sang peso batok dolyar.

Ang inflation sang Septyembre ang nagsaka sa 1.7 percent halin sa 1.5 percent sang Agosto 2025.

Samtang ang national average inflation halin sang Enero tubtob Septyembre 2025 ang yara sa 1.7 percent, nga mas manubo sa target sang gobyerno nga 2 tubtob 4 percent sini nga tuig.