-- ADVERTISEMENT --
Maisog nga ginpahayag ni Iran Chief negotiator Mohammad Bagher Ghalibaf, nga indi posible ang liwat nga pagbukas sang Strait of Hormuz bangud sa ginahimo sang Estados Unidos nga nagabayolar sang ceasefire deal.
Suno diri, lakip sa mga bayolasyon amo ang naval blockade sang U.S. sa Iranian ports nga kaangay lamang nga “hostage” sang Estados Unidos ang global economy.
Sa post ni Ghalibaf, daw nagapatuhoy ini sa US kag Israel, nga nagasiling wala nila nalab-ot ang ila mga katuyuan paagi sa agresyon militar.
Ginapatihan nga si Ghalibaf amo ang mag-atubang sa paghambalanay sa tunga sang Estados Unidos kag Iran kaupod si US Vice-President JD Vance sa Pakistan sini nga semana apang wala pa ini nag-umpisa.
