Luyag sang Irish fighter nga si Lewis Crocker nga naga-uyat sang International Boxing Federation (IBF) welterweight belt nga makasumpong si Manny Pacquiao pananglitan nga wala ini sang dance partner sa sulod sang ring sa masunod nga tuig.
Suno kay former boxer Jamie Conlan kag manager ni Crocker, nakig-angot na ini sa righthand man ni Pacquiao nga si Sean Gibbons agud magpabutyag sang ila interest sa duel batok sa Filipino icon.
Matapos nga nangin draw ang match ni Pacquiao batok kay World Boxing Council welterweight champion Mario Barrios, ginalantaw sini nga makasumpong ang 46 anyos nga si Rolly Romero nga naga-uyat sang World Boxing Association welterweight title.
Apang, indi pa sigurado kun madayon ang plano bangod mas ginpili ni Romero si Shakhram Giyasov bilang kontra.
Madumduman nga una nga na-achieved ni Pacquaio ang WBA crown sang 2019 sa edad nga 40 anyos sang napierde sini si Keith Thurman kag ang korona sa karun gina-uyatan ni Romero.
