Nagdangat sa P10 mil ang balor sang halit nga ginbilin sang sunog nga nagluntad sa BS Aquino Drive, Barangay Taculing, Bacolod City kahapon sang hapon.
Sa interview sang Bombo Radyo Bacolod kay Reyman Ariola, nagarenta man sa building nga nasunugan, samtang nga nagaubra, sila nakita nila nga nag-aso ang pihak nga unit gani ginbuka nila ang kandado agud nga tsekyaron apang dako na ang kalayo gani naghingagaw lamang sila nga maghakot sang mga gamit kag maggwa sa building.
Madasig man nga nagresponde ang katapo sang Bureau of Fire and Protection (BFP) kag napalong man gilayon ang kalayo.
Ang nasunog ang isa ka unit nga ginabutangan sang mga RTWs nga nasulod sa karton.
Wala man sang nasamaran sa nagluntad nga sunog.
Padayon pa sa karun nga ginatumod sang BFP ang gintunaan sang kalayo.
