Kun isa ka sa mga makarelate sa mga masubo nga kanta ni Moira, yari ang mga health tips agud malampuwasan mo ang kasakit tuga sang heart break.
Indi lang physical ang kinahanglan halungan bangud importante man ang mental kag emotional health.
Gani, kun ikaw broken hearted, mas maayo nga hatagan mo ang imo kaugalingon sang diber nga mag-grieve ukon magpangasubo agud imo mapa-utwas ang imo balatyagon.
Indi man pagkalimti nga atipanun ang imo kaugalingon paagi sa pag-exercise ukon meditation.
Makabulig man ang pagpautwas sa iban nga tawo sang imo mga kinahanglan ukon sa pagsulat sang imo mga balatyagon sa isa ka notebook.
Makabulig man ang pagbasa, pagpamati sang kanta ukon podcast kag pagwa sa inyo puluy-an.
Ang pagmove-on ang wala ginadalian apang kinahanglan ini nga himuon agud nga makapadayon ang isa ka persona sa pagpangabuhi.
