BACOLOD CITY-Isa ang patay kag tatlo ang pilason sa mga kargador nga napilpilan sang hinantal nga sako sang kalamay sa Victorias Milling Corp. sa ciudad sang Victorias kagab-i.
Sa impormasyon nga nakuha sang Bombo Radyo Bacolod ginkilala ang mga biktima kanday Rico Sigurida, 41 anyos; Ian Malana, 43 anyos; kag Roland Romales, 40 anyos, lunsay nga residente sang Hda. Pusod, Brgy. 20, Victorias City.
Nahibaluan nga nagahantal sang mga sinako nga kalamay ang mga biktima apang hinali lang nga narumpag ang mga hinantal nga sako gani napilpilan ang mga ini.
Nakaagom sang bali sa duha ka paa kag pilas sa nawong kag liog si Sigurida nga gintunaan sang iya kamataayon.
Pilason naman sanday Romales kag Malana kag padayon pa nga ginbulong sa balaybululngan.
