Isa ka lalaki patay matapos ginbuno sa Barangay Banago, Bacolod City subong nga hapon

Patay ang isa ka lalaki matapos ginbuno sang makapila ka beses sang driver sang wing van sa Purok Baybayon, Barangay Banago ciudad sang Bacolod, kaina sang hapon, Hunyo 1.

Sa interview sang Bombo Radyo Bacolod kay Police Major Rondyl Tapang, station commander sang Bacolod Police Station 3, wala pa makilal-an ang biktima apang ang suspek ang nadakpan na kag nakahunong sa Bacolod Police Station 3.

Suno kay Tapang, ginbuno sang suspek ang biktima matapos nga gin-alegar nga tuyo nga magpangawat sa iya nga van.

Antes pa man nabun-an ang biktima may yara pa sang nagluntad nga komosyon sa tunga sini kag sang suspek.

Ang biktima ang nagapabilin pa sa ABE Funeral Homes kag ginahulat pa nga kadtuon sang pamilya agud nga matumod ang identity sini.