Patay ang isa ka miyembro sang LGBTQ community matapos nga gintiro sang duha ka wala nakilal-an nga mga lalaki sa St. Francis Street Greensville II Subdivision, Barangay Villamonte, Bacolod City, kapin ala-1:30 kaina sang kaagahon.
Ang biktima ang ginkilala nga si Jury Orario alyas Juriana, 37 anyos, residente sang nasambit nga lugar kag former job order casual sa ciudad sang Bacolod kag isa man ka choreographer.
Sa interview sang Bombo Radyo kay alyas “Nonoy”, kapin ala-1:30 sang kaagahon, nabatian sini nga nagtaghol ang iya ido gani nanilag ini sa pagpati nga may yara sang kawatan.
![](https://img.bomboradyo.com/bacolod/2023/05/348355177_797333415345379_6653491554457922281_n.jpg)
Nakita sini nga nagalakat sa dalan si Orario kaupod ang duha ka lalaki gani wala naman lang sini nga gintutukan.
Apang hinali lang ini nakabati sang isa ka singgit, isa ka lupok kag taghol sang iya ido.
Ang biktima ang gintiro sa ulo.
Kapin alas-3:00, nag-abot ang ambulansya kag diri na nahibaluan sini nga may shooting incident nga natabo.