Patay ang isa ka gina-alegar miyembro sang New People’s Army (NPA) sa tatlo ka serye nga engkwentro nga nagluntad sa tunga sang Philippine Army kag Central Negros 1 sang NPA sa Brgy. Bucalan, Canlaon City, Negros Oriental, kahapon sang aga.
Sa interview sang Bombo Radyo kay BGen. Ted Dumosmog, Commander sang 303rd Infantry Brigade, nag-umpisa ang engkwentro alas- 6:00 sang aga nga naglawig sa duha ka minutos nga ginsundan sang isa pa gid ka pagbaylohanay sang lupok alas-6:20 sang aga nga naglawig man sa duha ka minutos.
Apang, alas- 9:00 sang aga liwat na naman nga may nagluntad nga engkwentro nga naglawig man sa gihapon sa sulod sang duha ka minutos.
Suno diri, ginabanta napulo ka NPA ang naengkwentro sang militar kag isa ang napatay nga ginkilala nga si Jomarie Peña alyas Yulo nga residente sang Brgy. Bucalan, Canlaon City.
Narekober sa enounter site ang isa ka M16 rifle kag mga bala.
Suno kay Dumusmog, ang mga NPA nga ila naengkwentro amo man ang mga NPA nga involved sa encounter nga nagluntad sang Abril 21 sa barangay Binalbagan, Canlaon City.
Pahayag sini, nanugid ang mga residente nga may yara sang presensya sang armado nga grupo sa lugar bangod nangin inspirasyon nila ang natabo nga encounter sa banwa sang Toboso, Negros Occidental kun sa diin 19 ka gina-alegar miyembro sang NPA ang napatay.
