Narekober sang kapulisan ang 40 ka empty shells kag isa ka police-issued firearm may kaangtanan sa maduguon nga pagpangluthang sa San Jose National High School sa ciudad sang Tacloban kahapon sang aga sa diin nautas ang kabuhi sang apat ka indibidwal kag pilason ang 22 ka tawo.
Santo sa imbestigasyon, isa sa mga armas-luthang nga gingamit amo isa ka 9mm Glock pistol nga nakapangalan sa isa ka babayi nga pulis sang Police Regional Office-8 nga ginaalegar tiya sang isa sa mga suspek.
Kalibre .38 nga revolver naman ang isa pa gid ka armas sa diin rehistrado sa isa ka security agency sa Cebu City.
Ginpaidalom sa restrictive custody ang babayi nga pulis nga nagapanag-iya sang isa ka armas-luthang kag ginkakas man ini sa designation samtang nagapadayon ang imbestigasyon.
Suno sa mga otoridad, ang isa ka suspek ang nakasulod sa buluthuan nga may armas sa sulod sang iya slingbag, samtang wala naman nasita sang gwardiya ang isa pa bangud kilala niya ang estudyante.
Ginpahayag sang kapulisan nga ang 14-anyos nga suspek ang exempted sa criminal liability santo sa Juvenile Justice and Welfare Act, apang ginpaidalom gihapon sa intervention sang City Social Welfare and Development Office.
Samtang, ginpaidalom naman sa eksaminasyon ang 15-anyos nga suspek agud matumod kun mahimo ini mapasakaan sang kaso.
