Nagpadulong kahapon ang Criminal Investigation and Detection Group sang Philippine National Police (PNP-CIDG) sa isa ka propiedad nga ginapanag-iyahan sang Kingdom of Jesus Christ (KOJC) agud magserbe sang arrest warrant batok sa pinuno ang grupo nga si Apollo Quiboloy sa Davao City.
Nagserbe ang mga otoridad sang warrant sa sulod sang KOJC Dome sa Buhangin District pasado alas 5:00 sang kaagahon.
Nagtuyo man ang mga otoridad nga magsulod sa gate sang compound paagi sa isa ka hagdanan.
Ini ang nagtuga sang tensyon sa tunga sang KOJC missionaries, nga nagahulat sagwa sang compound, kag mga police officers.
Suno sa ila, ang tikang ang may tinutuyo nga i-intimidate kag i-coerce si Quiboloy, nga nagapangatubang sa karun sang mga kaso sa idalum sang Section 5 sang Republic Act 7610 ukon Special Protection of Children Against Abuse, Exploitation, and Discrimination Act sa idalum sang Section 10 sa kaangay nga tikang.
Nagkasugot ang legal counsel ni Quiboloy nga pahanugutan ang apat ka teams nga ginalakipan sang anum ka mga personnel nga magapangita sa area.
Nagbiya ang mga otoridad pasado alas 8:00 ang aga kag ginreport nga nagsulod sa Glory Mountain sa Barangay Tamayong.
