Isa ka lalaki patay samtang isa pilason sa shooting incident nga natabo sa Barangay Calampisawan, banwa sang Calatrava, Negros Occidental.
Ang mga biktima ang ginkilala nga sanday Elmer Ceuva, 45 anyos, manugbaligya sang screen protectror para sa TV, kag Jerald Bulanon 35 anyos, isa ka electrician, lunsay mga residente sa siyudad sang Escalante.
Suno kay P/Maj Lumyaen Lidawan, hepe sa Calatrava Municipal Police Station, naga byahe papuli ang mga biktima sakay sang motorsiklo gikan sa Barangay Ilaya sang sila ginbanggaan sang duha ka persona nga nagasakay man sa motorsiklo kag gilayon nga ginpaarakan sang luthang.
Madamo sang igo sang bala sa dughan ang biktima nga si Cueva nagresulta sang kamatayon sini samtang may igo naman sa kamot si Bulanon kag gina-alegar nga nagagamitan sang caliber 38 revolver ang suspetsado apang wala sang may nakita nga basiyo sang bala.
Padayun pa nga ginahibalo ang motibo sa krimen.
Nahibaluan nga si Cueva ang may ara na sang anay record sa paglapas sang Republic Act 9262 ukon Anti-Violence Against Women and their Children Act of 2004 samtang si Bulanon naman ang may malimplyo nga record.
