Isa patay samtang pito ang pilason matapos madagdag sa pil-as ang pribado nga salakyan nga ginasakyan sang uniformed personnel kag mga menor de edad sa Purok Tuburan, Barangay Pandanon, banwa sang Salvador Benedicto, kahapon kapin alas- 3:00 sang hapon.
Sa inisyal ang mga biktima ang ginkilala nga sanday Police Corporal Patrick Q Panganiban, 32 anyos, residente sang Brgy. Alijis, Bacolod City; Police Corporal Jane Claire M Batadhay, 29 anyos, residente sang Victorias City; Police Corporal Hazel Motin; Patrolman Calveen Corral; nga lunsay mga katapo sang Bacolod City Police Office kag duha pa ka mga menor de edad.
Sa interview sang Bombo Radyo Bacolod kay Police Major Ryan Villasario, hepe sang Don Salvador Municipal Police Station, naggikan sa ciudad sang Bacolod ang mga biktima sakay sa Toyota Avanza kag nagabyahe padulong sa banwa sang Salvador Benedicto.
Suno diri, paglab-ot sa kurbada nag-overshoot ang salakyan kag nahulog sa pil-as.
Gilayon naman nga nagresponde ang rescue team kag kapulisan sa area sa pagkuha sa mga biktima kag pag-imbestiga.
Sa walo ka sakay sang salakyan, isa ang narekord nga napatay samtang pito naman ang pilason.
