Isa patay sa nagluntad nga aksidente sa dalan sa Purok Tuburan, National Highway, Brgy Tampalon, Kabankalan City, kagab-i alas-7:00 ang takna kagab-i.
Sa imbestigasyon sang Kabankalan City Police Station, nagabyahe ang hauler truck nga ginamaneho ni Eljohn Sarmoy, 18 anyos, residente sang Brgy Magballo, Kabankalan City padulong sa city proper kaupod ang iya helper nga sanday Ralph Lachica, 20 anyos kag isa ka 17 anyos nga lalaki lunsay mga residente man sang Brgy Magballo.
Paglab-ot sa kurbada, nadulaan sang preno ang truck kag natumba kun sa diin naigoan sini ang tricycle nga sugata sini.
Ang driver sang tricycle amo si Armando Canoy, 60 anyos, kag ang pasahero amo sanday Jinky Pitogo, 51 anyos kag isa ka 11 anyos nga bata nga lunsay mga residente sang Brgy Tampalon, Kabankalan City.
Naulamid man ang motorsiklo nga nagasunod sa tricycle nga ginamaneho ni Jestoni Porras, 31 anyos residente man sang Brgy Tampalon, Kabankalan.
