BAYAN USA, ginakondenar ang gina-alegar “Toboso Massacre”
Ginkumpirmar sang grupo nga BAYAN USA, sa idalom sang Bagong Alyansang Makabayan (New Patriotic Alliance) ukon BAYAN nga isa ka Filipino-American journalist kag human rights advocate ang napatay sa engkwentro sa Brgy Salamanca, Toboso sang Abril 19.
Ini ang ginkilala nga si Lyles Prijoles, 40 anyos, nga nagikan pa sa San Diego, California, USA.
Siya ang nakagradwar sa Journalism kag Asian-American Studies.
Suno sa BAYAN USA, si Prijoles ang masami nga nagakadto sa marginalized communities agud hibaluon ang ila kahimtangan.
Ginagamit man sini ang iya platform sa pagwaragwag sang mga estorya sang mga pumuluyo nga ginadingutan sang kinamatarong.
Gani ang grupo ang nagapanawagan gid sang hustisya sa pagkapatay kay Prijoles.
Nagapati ang mga ini nga ginahimo lamang sang biktima ang iya papel bilang journalist kag human rights advocate gani siya ang yara sa lugar, kag indi bilang kabahin sang rebelde nga New People’s Army.
Ginakondenar sang grupo ang ginatawag nila nga “Toboso massacre” sang Armed Forces of the Philippines.
