-- ADVERTISEMENT --
Ginalauman nga subong nga adlaw, matapos na ang isolation ni Bacolod City Mayor Alfredo Benitez matapos nagpositibo sa COVID-19 sang tinalikdan nga semana.
Suno kay Secretary to the Mayor Atty. Joseph Chiu, gin-extend ni Benitez ang iya isolation nga pito ka adlaw apang ginalauman nga subong nga adlaw, matapos na ini kag siya ang makagwa na sa self-quarantine.
Suno kay Chiu, apisar nga naka-isolate, nagatambong sa gihapon ang alkalde sa mga virtual meetings kag video conference may kaangtanan sa mga agenda sang ciudad.
Nagrequest man ang transport sector nga makigkita kay Benitez kun ini ang makagwa na sa isolation kag suno diri, ila ini igaschedule kag pagaatubangan.
