Gin-akusahan sang Amnesty International ang state of Israel sa pagkomiter sang genocide batok sa mga Palestinians sa gyera sa Gaza, isa ka alegasyon nga ginpanginwala sang Israel.
Suno sa London-based human rights group, nakalab-ot ini sang conclusion matapos ang binulan nga pag-analyze sang mga insidente kag mga statements sang Israeli officials.
Suno sa Amnesty, ang legal threshold para sa krimen ang nalab-ot na, sa labing una nga determinasyon sini sa isa ka aktibo nga armed conflict.
Ang 1948 Genocide Convention, nga gin-enact sa tunga sang mass murder sang mga Jews sa Nazi Holocaust, ang nagdefine sa genocide bilang mga tikag nga ginkomiter nga may tinutuyo nga gub-on ang isa ka national, ethnical, racial ukon religious group.
Makapila ka beses naman nga ginreject sang Israel ang akusasyon sang genocide kag ginpahayag nga ginarespeto sini ang international law kag may kinamatarong nga depensahan ang kaugalingon matapos ang pagpang-atake sang Hamas sang Oktubre 7, 2023.
