Nagpromisa ang Israel nga pagadayunon sini ang military operation sa Gaza kag ginpahayag nga indi ini mag-intra sa maskin ano nga negosasyon sa Hamas, matapos gin-aprubahan sang United Nations Security Council ang isa ka ceasefire plan nga suportado sang Estados Unidos agud matapos na ang walo ka bulan nga gyera sa Gaza.
Gin-athag ini sang representative sang Israel sa United Nations nga si Reut Shapir Ben-Naftaly sa isa ka UNSC meeting nga luyag sang iya pungsod nga masiguro nga indi makatuga sang pagpamahog ang Gaza sa Israel sa palaabuton.
Suno sa senior diplomat, ang gyera ang indi matapos tubtob nga makabalik ang tanan nga hostages kag madismantle ang capabilities sang Hamas.
Gin-akusahan man sini ang Palestinian militant group sa paggamit sang wala untat nga negosasyon agud makabakal sang oras.
Ini ang iya ginpahayag matapos 14 sa 15 ka mga UNSC council members ang nagboto nga pabor sa isa ka US-drafted resolution sang Lunes kun sa diin ang Russia lamang ang nag-abstain.
Ang Israel ang indi miyembro sang UNSC gani wala ini nagboto.
Ang comprehensibo nga tatlo ka stage nga peace deal, nga nagset out ang mga conditions nga may tinutuyo nga pangunahan ang kahilwayan sang tanan nga nabilin nga hostages, sa baylo sang isa ka permanente nga ceasefire kag withdrawal sang Israeli forces, nga ginlatag ni US President Joe Biden sang Mayo 31.
