Nagapabilin nga bukas ang posibilidad nga si Jayson Tatum sang Boston Celtics ang makahampang sa 2025-2026 season sang National Basketball Association karun nga ini ang nagarecover pa sa iya Achilles injury.
Nag-angkon sang injury ang 27 anyos nga All-Star Forward sa ila elimination game sang Mayo.
Suno sa player, indi pa dapat siya paluson sa listahan sang mga magahampang para sa masunod nga season.
Aminado ini nga madugay ang iya recovery, apang may posibilidad pa gihapon nga siya ang makabalik sa subong nga season.
Samtang suksok ang walking boot sa iya tiil, nakit-an nakaligad nga bulan si Tatum nga nagalantaw sang practice game sang New England Patriots, kun sa diin ginpahayag sini nga magadangat pa sa masobra isa ka tuig ang iya nga recovery process.
