Nagpakigbahin si Jerry Yan sang iya nga heart-felt nga mensahe para sa iya nga Meteor Garden co-star nga si Barbie Hsu, nga nagtaliwan sa edad nga 48.
Sa iya post sa Weibo, ginpahayag ni Jerry ang iya pagpasalamat kay Barbie.
Si Jerry ang nagdala sang role bilang F4 leader nga si Dao Ming Si sa hit nga Taiwanese drama series nga “Meteor Garden” sang 2001.
Siya ang love interest sang karakter ni Barbie nga si Shan Cai.
Kabahin man si Jerry sang Taiwanese boy band nga F4, kaupod nanday Vic Chou, Ken Chu, kag Vanness Wu nga co-stars man nila ni Barbie sa “Meteor Garden.”
Nagpakig-unong man si Ken, nga nagdala naman sang role bilang si Xi Men, paagi sa pagpost sang isa ka laragway nga lunsay itom lamang ang makit-an.
Nagpost man ini sang throwback photo sang cast sang Meteor Garden kaupod sanday Barbie, Jerry, Vic, kag Vanness.
Nagapangasubo man si Rainie Yang, nga nagdala sang role bilang best friend ni Shan Cai sa Meteor Garden.
Sa iya nga Instagram story, nagpost si Rainie sang isa ka itom nga litrato nga may kaupod nga malip-ot nga mensahe.
