Nakabatun sang P5,000 nga cash reward ang Grade 6 pupil gikan sa Kabankalan City matapos makuha ang gold medal sa 100 Meter Dash sang Athletics Elementary Boys sang Negros Island Region Athletics Association Meet 2026.
Sa interview sang Bombo Radyo Bacolod kay Jurie Esmillaren, sadto siya ang tubtob lamang sa Provincial Meet.
Gani dako ang kalipay sini nga sa 1st time nga pagpasakop sa Regional Meet, siya ang nakakuha sang gold medal kag makahampang sa Palarong Pambansa.
Bangod sa kadalag-an, siya ang nakabatun man sang P5,000 gikan kay Negros Occidental 6th District Board Member Jeffrey Tubola.
Ginpasalamatan man ni Esmillaren ang iya nga coach sa paghanas sa iya sa sports.
Samtang dako man ang pagpasalamat sini sa iya amay nga nagatrabaho sa kampo sang tubo, bangod ini ang nag-apas gid sa Bacolod City agud siya ang madul-ungan sang P1,000 nga allowance.
