Ginpahayag sang Barangay Kagawad sang Barangay Tangub, ciudad sang Bacolod nga wala man ini nanamian sa pag-serbe sang Department of the Interior and Local Government (DILG) sang anom ka bulan nga suspension order batok kay Punong Barangay Noli Villarosa, sa karun nga manami na ang relasyon sa tunga sang mga officials sang barangay.
Ang reklamo ang ginfile nanday Kagawad Katrina Joan Sonota kag Dindo Amadeo batok kanday Punong Barangay Villarosa, No. 1 Kagawad Luz Atienza, Barangay Kagawad Jose Ray Pendon kag sadto Barangay Treasurer apang karun Barangay Secretary nga si Ma. Teresa Domadiego.
Apang ang gindagdagan lamang sang 60-days suspension order amo sanday Villarosa kag Domadiego.
Santo sa reklamo, delayed kun maghatag sang sweldo sa mga empleyado ang Punong Barangay, kun sa diin nagapautang naman ang asawa sini sa 10 porsyento nga interes.
Gina-alegar sang mga ini nga hungod nga ginadelatar ang sweldo agud kulangon ang mga empleyado sang budget kag mapilitan nga magpangutang.
Sa interview sang Bombo Radyo kay Barangay Kagawad Katrina Joan Sonota, may nakita ini nga indi insakto amo nga nagreklamo ini batok kay Villarosa.
Suno diri, sadto nagpatigayon pa sila sang rally kag ang pagreklamo nila ang counter case lamang bangod nga sila ang una nga gin-filan sang kaso.
Sa karun, maayo ang relasyon sang mga opisyal sa barangay kag ginkakibot man sini ang order sang ombudsman kag suno sa barangay kagawad iga-serbe na lamang ini sang Punong Barangay.
