Nagdangat na sa P340.70 million ang kahalitan sa sektor sang agrikultura sa probinsya sang Negros Occidental.
Sa natipon nga data as of last week, nagdangat sa P306.7 million ang kahalitan sa humay, P17.1 million sa mais, P13.1 million sa high value crops, kag P3.5 million sa fisheries.
Ang kahalitan sa fisheries ang kalabanan nagikan sa mga ponds ukon punong, ilabi na nga sa pagnubo sang lebel sang tubig naganinit man ang oxygen nga nagaresulta sa pagkalamatay sang mga isda kaangay sang bangrus kag tilapya.
Sa pihak nga bahin, padayunon naman sang probinsya ang pagpatigayon sang cloud seeding apisar nga nagsulod na sa rainy season ang Pilipinas.
Pahanumdom sini nga siya ang naghinun-anon sa mga local sugar planters kag iya ginpamangkot kun nagakaigo na ang natural nga ulan nga nagtupa sa probinsya.
Apang sabat sang mga ini nga tuman pa kulang ang ginapangita nga ulan gani sila ang pabor sa cloud seeding.
Madumduman nga nadownload na sa Department of Agriculture (DA) Regional Office 6 dierctor ang budget nga balor P6 million.
