Wala pa sang identity ang nasapwan nga kalabera sa sulod sang kampo sa Simon Peter Village, Brgy. Mansilingan, Bacolod City, kahapon alas- 10:00 sang aga.
Sa interview sang Bombo Radyo kay PCapt Jay-R Reyes , hepe sang Bacolod City Police Station 7, nasapwan sang caretaker sang kampo ang kalabera kag ini gilayon nga ginreport sa ila estasyon.
Suno diri, nagasuksok sang itom nga tshirt ang biktima nga may naka-print nga “beach please” kag short nga itom, samtang may isa man ka sky blue nga tsinelas nga may orange nga strap ang nakit-an sa area.
Suno diri, indi na mahibaloan kun babayi ukon lalaki ang biktima bangod ini ang nagaka-agnas na.
Suno kay Reyes, wala sang reported nga missing sa sakop sang Bacolod Police Station 7 kag nagpanawagan ini sa kun sin-o man ang may namissing nga himtata nga makig-angot lamang sa ila.
