Nagsabtanay ang kampo ni dismissed Bamban mayor Alice Guo kag isa ka anay opisyal sang Department of the Interior and Local Government (DILG) natuhoy sa issuance sang isa ka business permit sa isa ka Philippine Offshore Gaming Operator (POGO) nga imbolbado sa illegal nga mga aktibidad.
Sa nagapadayon nga hearing sa graft case ni Guo sa Valenzuela regional trial court, ginpresentar sang prosecution si former DILG Undersecretary Juan Victor Llamas.
Suno sa legal counsel ni Guo, una na nga nagsumiter ang Zun Yuan Technology Inc. sang isa ka affidavit of undertaking nga nagakilala nga may yara pa sang kulang nga dokumento agud makasecure sang isa ka business permit sa locality apang ang mga may yara na sa “substantial compliance.”
Gin-ako ni Llamas nga ini ang labing una nga kahigayunan nga nakakita ini sang dokumento sa court proceedings bangud wala ini nahatag sa DILG sang gina-imbestigaran pa ang kaso ni Guo.
