Aminado ang kampo ni detained Pastor Apollo Quiboloy nga posible nga mapatuman ang extradition sa Estados Unidos apisar nga may mga kaso pa ini nga ginapangatubang sa Pilipinas.
Suno sa legal counsel ni Pastor Apollo Quiboloy nga si Atty. Israelito Torreon, gin-ako sini nga indi ini imposible nga matabo.
Suno sa iya, may gahom ang estado sang pungsod nga tumanon ang hingyo sang Amerika nga extradition para sa nasambit nga pastor.
Nagapangatubang ang kontrobersyal nga televangelist sa pila ka mga kaso kaangay sang child sex trafficking, fraud kag iban pa sa karun nga wanted man sa nasambit nga pungsod.
Samtang, ginhighlight man ni Atty. Torreon nga apisar nga posible nga ipadala ang akusado sa Amerika, option sa gihapon sa pungsod ang tapuson anay ang mga kaso sini antes istoryahan ang extradition.
