May gamay naman nga pagmahal sa kandila nga ginabaligya sa gwa sang Burgos Public Cemetery.
Sa interview sang Bombo Radyo Bacolod sa manugbaligya sang kandila nga si Joden Sabay, sa karun maiwat pa ang nagabakal sang kandila apang ginalauman sini ang pagdagsa sang mga bisita sa sementeryo bwas, Nobyembre 1 tubtob sa Nobyembre 2.
Suno diri ang sadto nga P5 nga kandila ang sa karun P7 na.
Ang iya decolor nga mga kandila ang nagabalor P7, P10, P15 kag P25 depende sa sizes.
Siya ang nagapangumpra sa shopping kag sa karun limitado lamang ang iya ginbakal nga kandila bangod siya ang mahimo man liwat nga makapangumpra inkaso nga kulangon.
Aminado man ini nga kalabanan sang mga bisita sang minatay ang nagapangita sang magagmay nga vigil candle.
Pasalig naman ni Sabay nga sila ang wala nagabatun sang mga ginabaligya nga nausar na nga kandila, nga nagakahulugan nga kinawatan.
