Bangud sa pag-ulan kahapon nga dala sang Bagyong Kristine kag agud nga masiguro ang seguridad sang mga estudyante bangod sa indi mapaktan ang dalagan sang panahon ginsuspend sang alkalde sang Bacolod ang klase sa pre-school tubtob senior high school subong nga adlaw, Oktubre 24.
Sa interview sang Bombo Radyo Bacolod kay Barangay Sincang Airport Punong Barangay Atty. Caesar Distrito, apisar nga wala na nalakip ang ciudad sa heavy rainfall warnings apang nalakip ini sa mga lugar nga ginpaidalom sa Storm signal number 1 bangud sa nasambit nga bagyo, ginsuspend ni Bacolod City Mayor Alfredo “Albee” Benitez sa pre school tubtob senior high school sa public kag private nga eskwelahan apang ang college nakadepende na sa school administrations.
Ang kanselasyon sang klase ang kasunod man sang rekomendasyon sang Bacolod City Disaster Risk Reduction Management Office.
Nagpanugyan si Distrito sa mga ginikanan nga bantayan ang mga kabataan bangud gincancel ang klase para sa seguridad sang mga ini.
Padayon naman ang pagmonitor sa dalagan sang panahon kag desisyunan pa kun icancel ang klase bwas, Oktubre 25.
Samtang kanselado naman ang sea trips Bacolod-Iloilo Vice Versa bangud man nga yara sa signal number 1 ang Bacolod kag Iloilo.
Isa man si Distrito nga nastranded sa Iloilo matapos nga magkuha ini sang Lupong Tagapamayapa Incentives Awards (LTIA) matapos nga ang Barangay Sincang ang nangin Outstanding Barangay Tanod matapos nga ini ang nagregional champion kag ini ang magarepresentar sang Western Visayas sa national level.
