Ginkondenar sang transport group nga Pagkakaisa ng mga Samahan ng Tsuper at Opereytor Nationwide (PISTON) ang pagsuspender ni President Ferdinand Marcos Jr. sa fare increase sa pampubliko nga transportasyon.
Sa interview sang Bombo Radyo Bacolod kay Modesto Floranda, National President sang PISTON, ginapakita lamang sang presidente nga daw wala ini sang labot sa mga ordinaryo nga pumuluyo ilabi na sa mga drivers nga apektado sa pagsaka sang presyo sang produktong petrolyo.
Suno kay Floranda, kun luyag ni Marcos nga mabuligan ang mga pumuluyo gilayon sini nga permahan ang ginaduso nga pagkakas sang fuel excise tax kag indi ang pagsuspendi sang fare increase.
Suno diri, makita gid nga ang administrasyon sang Marcos ang nagaserbe lamang sa mga dalagko nga negosyante.
Dugang pa, ang P5,000 nga fuel subsidy ang indi makasustiner sa pangihanglanon adlaw adlaw sang mga driver kag wala na sang ma income ang mga driver kun maglab-ot pa gid sa P130 ang presyo sang diesel.
Pahayag ni Floranda nga dapat ang gobyerno ang mangita sang long term solution kag ang mga programa sini ang kinahanglan nakabatutok sa pagbulig sang mga pumuluyo.
