Kapin 90 ka pamilya sa banwa sang Murcia, nangin benepisyaryo sang community outreach kag medical mission sang PNP kag Militar

Malapit 90 ka mga pamilya ang nangin benepisyaryo sang community outreach program kag medical mission sang Philippine National Police, Philippine Army kag civil society organizations sa Barangay Minoyan, Murcia, Negros Occidental sang tinalikdan nga inadlaw.

Suno kay Police Lt. Col. Nacer Canja, hepe sang 1^st Negros Occidental Provincial Mobile Force Company, nag-upod man ang Murcia Municipal Police Station, LGU sang Murcia kag iban pa nga mga grupo agud matigayon ang outreach program.

Ang 89 ka mga pamilya ang nagbaton sang food packs, vitamins, mga bulong kag may nag-avail man sang libre nga gunting.

Nagpasalamat si Canja sa tanan nga mga ahensya kag grupo nga nagbuligay agud matigayon ang programa.