Kapin sa P40 million nga balor sang illicit cigarettes ang nakumpiskar sa 10 ka mga indibidwal sa Sitio Labugon, Barangay Nagbo-alao, Basay, Negros Oriental sang Sabado, alas- 11:15 sang gab-i.
Ang mga nadakpan amo sanday Alias “Sar”, 54- anyos, residente sang East Balabag, Valencia, Negros Oriental, nga amo ang truck driver; Alias “Al”, 42- anyos, residente sang John Ston subdivision, Barangay San Roque, Zamboanga City, nga driver man; kag Alias “Pao”, 45 – anyos; Alias “Ron”, 53- anyos, lunsay mga residente sang Pandami, Suba-Suba, Sulu; Alias “Vin”, 4- anyos, residente sang Arat Jolo Sulu; kag Alias “Jul” 52- anyos; Alias “Don”, 30- anyos, nga lunsay residente sang Tulay Zone 3, Jolo Sulu; Alias “Al” 45- anyos, residente sang Sun Village, Makati Subd. Jolo, Sulu; kag Alias “Gad”, 62- anyos; Alias “Jid”, 40- anyos, nga lunsay mag residente sang Bungao Brgy. Nalil, Tawitawi.
Nakumpiskar ang kapin 700 ka master cases sang sigarilyo, isa ka ten wheeler closed van, isa ka motorized bangka, duha ka cellphone, isa ka Ford Explorer kag isa ka Mitsubishi L300.
Sa interview sang Bombo Radyo Bacolod kay Lieutenant Colonel Joem Malong, Public Information Officer sang Police Regional Office Negros Island Region (PRO-NIR), pagadal-on sa regional headquarters ang confiscated items sa pagfile sang kaso batok sa napulo ka mga suspetsado.
