Preparado na ang security plan sang Police Regional Office-Negros Island Region (PRO-NIR) para sa pagbantay sang seguridad sang tanan nga delegado sang National Private Schools Athletic Association (National PRISAA) 2026 nga patigayunon sa Bacolod City.
Sa interview sang Bombo Radyo Bacolod kay Police Lt Col Joem Malong, spokesperson sang Police Regional Office-Negros Island Region, 276 tanan ka mga police personnel ang ideploy sa magkatuhay nga sporting venues agud nga masiguro ang seguridad.
Suno Kay Malong, halin sa Bacolod City Police Office kag Negros Occidental Police Provincial Office ang ginhalinan sang kalabanan sang deployment.
Dugang pa sini nga may yara naman sila sang gindihon nga lain nga security plan para sa mga magbantay sagwa sang sports venues.
Dugang pa sini nga Indi lang man mga kapulisan ang gindeployment nga.
Nakahanda naman ang mga personnel sang traffic enforcement unit sang Bacolod City Police Office sa pag-assist sa dalagan sang trapiko sa opening sang National Private Schools Athletic Association (NATIONAL PRISAA 2026) subong nga adlaw, Mayo 9.
Sa interview sang Bombo Radyo Bacolod kay Police Major Elmer Bonilla, pinuno sang Traffic Enforcement Unit sang Bacolod City Police Office, bilang preparasyon sang National Private Schools Athletic Association (NATIONAL PRISAA) ginsuhestyon sang pinuno sang Operations sang Police Regional Office-Negros Island Region nga i-adopt nalang ang deployment plan sang PAnaad sa Negros Festival.
Suno kay Bonilla, lauman ang masobra 8000 ka delegado sang National PRISAA kag makaigo ini sa PAnaad Park and Stadium.
Suno diri Indi man Maka-congest sang dalagan sang trapiko ang delegation sang nasambit nga pahampang Kun ipaanggid sa mga nagpadulong sa Panaad Park and Stadium sang ginpatigayon ang PAnaad sa Negros Festival.
