All set na ang security coverage sang Police Regional Office 6 sa 2025 Western Visayas Regional Athletic Association (WVRAA) Meet nga ginpatigayon sa probinsya sang Antique.
Sa interview sang Bombo Radyo Bacolod kay Police Lt Col. Arnel Solis, spokesperson sang Police Regional Office 6, antes pa man ang opening nakapatigayon na sila sang series sang meetings kag conferences kaupod ang Department of Education, Local Government Units kag iban nga law enforcement agencies agud nga mapreparahan ang security sang WVRAA Meet.
Ginatos naman ka mga police personnel ang gindeploy kun sa diin ginpatigayon ang nasambit nga hinampang.
Wala lamang ang mga kapulisan ang nagatutok sa peace and order kundi sa health and emergency kasubong man sa traffic agud sa kabilugan masiguro nga malinong kag matawhay ang pagpatigayon sang regional meet.
24/7 naman nga magabantay ang mga kapulisan ilabi na sa mga strategic areas nga ginapatigayunan sang WVRAA sa probinsya sang Antique kag shifting naman ang duty sang mga ini.
Nagpanugyan man ini sa mga delegates kag sa mga pumuluyo nga mag-aligmat kag kun may nakita nga makaduluda sa lugar, magpahibalo sa mga otoridad ukon sa mga kapulisan agud nga mahimuan gilayon sang tikang.
