Padayon ang preparasyon sang Negros Occidental Police Provincial Office (NOCPPO) sa nagahilapit nga pagfile sang Certificate of Candidacy sang mga kandidato para sa 2025 midterm elections.
Sa interview sang Bombo Radyo Bacolod kay Police Captain Wilma Silva, Public Information Officer sang NOCPPO, nagapatigayon na sila sang mga meetings bilang preparasyon sa nagahilapit nga filing sang Certificate of Candidacy para sa 2025 midterm elections.
Suno kay Silva, nakacoordinate man sila sa Commission on Elections (COMELEC) angot diri.
Suno diri, padayon man ang ila nga monitoring sa mga posible nga hot spot areas kag ginamonitor man nila ang pagtuhaw sang mga private armed groups sa tion sang filing sang COC.
Apang gin-athag sini nga sa karun, wala sang namonitor nga private armed groups kag wala pa sila sang natumod nga election hot spot areas sa probinsya sang Negros Occidental.
