Pila sa mga utod natun kun magpakasal nagakuha sang wedding planner agud nga maplastar sang maayo ang mga bagay-bagay sa kasal kag mangin memorable man ini.
Sa Canada, imbes nga mangin malipayon kag memorable ang nasambit nga kasal, nangin malain nga damgo ini para isa ka bride-to-be.
Ginbulagan sang groom ang iya fiancèe bangud nagdesisyon ini mag-upod sa ila wedding planner nga lalaki.
Sa isa ka newsletter, ginsaysay sang lalaki nga naluyag gid man siya sa iya ex-fiancèe sa diin madamo na sila gani sang naubra nga plano sa future, lakip na diri ang pag-ubra sang pamilya.
Isa ka adlaw, nagdisider sila nga duha nga magkuha sang party planner para sa ila kasal agud indi na sila mabudlayan pa sa preparasyon kag diri, gin-introduce sa iya sang iya fiancèe ang isa ka lalaki nga amo ang maga-organize sang ila kasal.
Suno sa groom, sang nakita niya ang wedding planner, na-realisar sini nga indi niya dapat pagdayunon ang pagpakasal sa iya partner kag diri na nag-umpisa ang iya pagpangluib sa iya palangasaw-on agud makaupod lang ang ila planner.
Bangud indi na makaya pa sang iya konsensya nga magbutig, nag ako nalang ang lalaki sa iya nga fiancèe kag diri, nagsugot man ang babayi sa ila pagbulagay.
Suno sa lalaki, pagkatapos sang ila break-up, wala na siya liwat ginsapak sang iya ex-fiancèe bangud sang kaakig nga siya ang ginbaylo sini sa isa ka lalaki.
Santo sa lalaki, wala man sini gindayon pa ang iya relasyon sa wedding planner.
Karon, kasado na sa iban nga lalaki ang iya ex-partner kag may mga kabataan naman ini.
Samtang, ang lalaki naman ang nagpabilin pa nga single sa malawig nga tinion antis sini na-meet ang isa ka balo nga babayi nga may duha ka mga kabataan.
Suno sa lalaki, nangin malipayon man ang ila pag-updanay bangud open siya katama diri kag ginbaton gid ang iya nakaligad.
