Ginatun-an na sang mga kapulisan ang kaso nga ipasaka batok batok kanday Rene Boy kag Arnold Hampog, ang duha ka suspect nga nag-ako sa paghimulos kag pagpatay kay Jenalyn Ansalay sa Hda. Catalina, Brgy Dos Hermanas, Talisay City.
Sa interview kay Police Lt. John Patrick Linda, Deputy Chief of Police for operation sang Talisay City Police Station, for evaluation na sang piskal ang kaso nga ipasaka batok sa mga suspetsado.
Suno kay Linda, ang status sang kaso ang for further investigation.
Ginahulat nalang ang approval sang piskal sa kaso nga ipasaka batok sa mga suspetsado.
Una nga nga ginalantaw nga murder ukon rape with homicide ang ipasaka nga kaso.
Samtang gindayaw man ni Police Regional Office – Negros Island Region (PRO-NIR) Director Police Brig Gen Rudecinco Reales ang effort sang Talisay City Police Station sa madasig nga pagpaako sa mga suspect.
Nahibaluan nga si Jenalyn, nga tumandok sa Canlaon City, Negros Oriental ang nagatrabaho sa tag-iya sang manokan, samtang ang duha naman amo ang nagasagod sang mga inug-bulang nga manok.
Gin-ako sang mga ini nga sila ang nagagamit sang illegal nga droga, kag nagpangutang sila kay Jenalyn, apang sila ang wala ginpautang.
Gintudlo ni Arnold nga si Rene Boy ang naglampos sang dos por dos sa biktima, apang si Arnold naman ang gintudlo nga una nga naglugos diri.
Ginhigtan man nila sang lubid ang liog sini antes ginsulod sa sako kag ginhaboy.
