Nagsaka na sa 21 ang kaso sang cholera sa syudad sang Bacolod santo sa data nga ginrekord humalin sang September 1 tubtob November 12 nga ginpagwa sang Bacolod City Health Office.
Santo sa data, sa 61 ka barangay sa syudad sang Bacolod, ang Barangay Banago ang may pinakamadamo nga nagdangat na sa anom.
Samtang ang Barangay Alijis nga nagdeklarar sang outbreak sang tinalikdan ang may yara sang tatlo samtang ang Barangay Granada, Barangay Mandalagan, Handumanan kag Sum-ag ang may tag-duha ka kaso.
May narekord man nga kaso sa Barangays 40, Bata, Mansilingan kag Tangub.
Sang damlag lang, ginhulugan sang chlorine ang mga bubon sa Purok Luhod-luhod sa Barangay Mandalagan matapos nga may narekord nga kaso sang cholera.
Ginaabisuhan sang City Health Office ang publiko nga magkuha sang ginainom nga tubig nagikan sa refilling stations nga may updated nga bacteriological monitoring.
