Nagnubo ang kaso sang dengue sa probinsya sang Negros Occidental apang nagsaka naman ang nagkalamatay humalin sang Enero 1 tubtob Agosto 24 sini nga tuig ukon ang Morbidity Week 34.
Santo sa datos sang Provincial Health Office (PHO) may yara sang 398 ka dengue cases nga narekord sa Morbidity Week 34.
Sa nagligad nga report sang PHO may yara sang 39 ka fatalities apang sa Morbidity Week may yara na sang 49 kag nagapanguna sa may pinakamadamo ang ciudad sang Kabankalan nga may anom.
Apang suno kay Provincial Health Officer Dr. Ernell Tumimbang, ang mga kaso subong ang wala nakalab-ot sa threshold kag patimaan ini nga amat-amat na nga naganubo ang dengue cases sa probinsiya.
Sa kabug-usan sang Negros Occidental magluwas sa Bacolod City may yara na sang 7,208 dengue cases sini nga 2019 kag nagapanguna ang Kabankalan nga may 972 kag pinakagamay ang Moises Padilla nga may 54.
