Nagdangat na sa 828 ka kaso sang Hand, Foot, and Mouth Disease (HFMD) ang narekord sa probinsya sa Negros Occidental humalin sang Enero tubtob Hunyo subong nga tuig.
Suno kay Provincial Health Officer Dr. Girlie Pinongan, sa 31 ka Local Government Unit, 27 diri ang may kaso sang HFMD.
Nagapanguna ang Bago City nga may 241 ka kaso, Cadiz City nga may 105 ka kaso, Victorias City nga may 76, Manapla nga may 66, La Carlota City nga may 53, Talisay City nga may 42, Cauayan nga may 33, Kabankalan City nga may 24, Salvador Benedicto nga may 22.
Suno kay Pinongan, wala nadala sa top 10 nga may pinakamdamo nga kaso sang HFMD ang banwa sang EB Magalona bangod ini ang may 16 ka kaso sang nasambit nga balatian.
Apang ginpakamaayo naman sini nga ginkansela ang klase sa mga Elementary Schools kag tanan nga Day Care Centers sa banwa agud magpatigayon sang pag-disenfect sa mga buluthuan.
