Ginreschedule sang organizer ang hampang sa football sang mga kabataan bangud sa mabaskog nga kilat nga nag-igo sa puno sa kilid sang football field sa Manuel Y Torres Memorial Sports Center sa syudad sang Bago kahapon sang hapon.
Suno kay Police MSgt. Erwin Jamandre, imbestigador sang Bago City Police Station, samtang ginapatigayon ang football nagpangilat sang mabaskog kag naigo ang puno sang acacia kag nagkalahulog ang laya nga mga sanga sang kahoy.
Suno kayJamandre, maswerte nga wala sang naigo nga mga tumalan-aw ukon players sang football.
Nahibaluan nga wala naigo sang kilat ang referre nga si Charlie Panes 24 anyos sang brgy Lag-asan kundi ini ang ginbiring bangod sa kakapoy kag kakulba sang natabo ang pagpangilat. Gilayon naman nga gindala sa Bago City Hospital si Panes kag yara na sa karun sa estable nga kundisyon.
