Nagapasalamat ang Actress-host nga si Kim Chiu sa publiko nga nagsakdag sa iya sa sa sulod sang 19 ka tuig niya nga pagtrabaho sa industriya sang showbiz.
Sa Instagram, ginpakigbahin ni Kim ang iya pagselebrar sang iya halos duha ka dekada nga career kag ginlakipan ini sang mga pictures gikan sa iya phoenix-themed shoot.
Partikular nga ginpasalamatan ni Kim ang iya mga fans, ang iya network, kag ang tanan nga nagasakdag sa iya halin pa sadto tubtob subong.
Nagsugod ang showbiz career sang aktres matapos ini nga magdaog sa “Pinoy Big Brother Teen Edition” sadtong tuig 2006 sa diin una niya nga nangin ka-loveteam ang iya man anay nobyo nga si Gerald Anderson kag gintawag sila nga “Kimerald”.
Pila naman sa mga hit dramas ni Kim ang “Linlang” kag ang Philippine adaptation sang “What’s Wrong With Secretary Kim”.
