Kaangay sang madamo nga mga celebrities nga nagpost sang tribute para sa Taiwanese star nga si Barbie Hsu mas kilala bilang ‘Shan Cai’ sa serye nga Meteor Garden, isa diri ang aktres kag host nga si Kim Chiu.
Nahibaluan nga nangin dako ang balita kag nagsakit ang dughan sang kadam-an ilabi na ang batang 90s’ sang hinali nga kamatayon sang Taiwanese sang February 3, sa edad nga 48 anyos.
Ginbalikan ni Kim kun paano nangin kabahin sang iya nga childhood ang Meteor Garden kag nangin rason sang masami sini nga pagdali-dali sa pagpauli sa ila balay pagkatapos sang iya nga klase agud nga makalantaw sang episode sini kada adlaw.
Bangud sini, ginpasalamatan ni Kim ang Taiwanese actress sa papel sini sa iya madinuagon nga pagkabata.
Nahibaluan nga napatay si Barbie bangud sang pneumonia nga gintuga sang influenza complications.
