Kinilo narecover sa buybust operation sa Brgy 12, Bacolod City

Masobra isa ka kilo nga suspected shabu ang nakumpiskar sa drug buybust operation nga ginpatigayon sa Purok Masinadyahon, Barangay 12, Bacolod City, alas-12:54 kaina sang udto.

Gin-kilala ang suspetsado nga si Darrel Demafilez, 33-anyos, single, wala sang trabaho kag residente sang nasambit nga lugar.

Nakuha sa iya paghinakop ang isa ka unsealed transpararent plastic bag kag 13 ka heat sealed transparent plastic sachet sang suspected shabu.

Ang ginapatihan shabu ang nagabug-an sang ginabanta 1,000 grams nga may standard drug price nga P6.8 million.

Si Demafelis ang anay napriso na sa kaso nga Republic Act 9165 ukon Comprehensive Dangerous Drugs Act of 2002.

Apang ini ang nakagwa matapos madismissed ang kaso sang Marso 2023.