-- ADVERTISEMENT --
Dako ang kapierdehan sang mga vendors sa Bacolod City Public Plaza apisar sa pag-extend sang ila nga pagbaligya tubtob sa Oktubre 31.
Iban sa mga vendors ang nag-untat na lamang sa pagbaligya apisar pa sa extension bangod nga tuman ka hina sang negosyo.
Sa interview sang Bombo Radyo kay James Suarez, vendor sa plaza kag residente sang Brgy Singcang-airport, Bacolod City, madamo sang nabilin sa mga baligya sini nga mga masskara bangod nga madutay ang nagabakal.
Suno diri, dugang pa nga nagpahina sa negosyo amo ang malain nga panahon kag gamay lamang ang pwesto nga ila naplastaran.
