Gin-anunsyar ni Secretary to the Mayor Atty. Marty Go nga may klase kag trabaho ang ciudad sang Bacolod subong nga adlaw Pebrero 25.
Suno kay Atty Go, ini ang nagasunod sa deklarasyon ni President Ferdinand Marcos Jr., nga “special working day” subong nga adlaw apisar sa selebrasyon sang 40th anniversary sang Edsa People Power Revolution.
Dugang pa, naka-depende naman sa mga Catholic schools kun sila ang magdeklarar sang suspension of class.
Samtang, may pila naman ka mga Local Government Unit (LGU) sa probinsya sang Negros Occidental ang nagdeklarar sang suspension of class, lakip na diri ang banwa sang Isabela, Hinigaran, Candoni kag La Castellana bilang pagkomemorar sa ika 40th anniversary sang Edsa People Power Revolution.
Pahayag ni Atty Go,may koordinasyon naman sila sa Bacolod City Police Office para sa mga security measures para sa patigayunon nga “A Trillion Peso March” subong nga adlaw kag nagalaum nga mangin matawhay kag wala sang gamo nga matabo.
