Nagkanselar sang klase ang banwa sang Toboso subong nga adlaw kasunod sang 5.5 magnitude nga linog nga nagluntad kaina sang kaagahon kun sa diin narekord ang sentro sa Leyte.
Suno kay Provincial Disaster Management Program Division Head Dr. Zeaphard Caelian, nakalab-ot sa ila ang report nga ginkanselar ang klase sa tanan nga lebel sa banwa bangud sang pagtay-og.
Suno kay Caelian, nakabatyag ang banwa sang pagtay-og nga posible nagadangat sa Intensity 2-3, gani nga ginpakamaayo sang mga opisyales nga kanselahon ang klase agud nga magatsekyar ang mga istruktura kag masiguro ang kaluwasan sang mga estudyante.
Apang santo sa rekord sang Philippine Institute of Volcanology and Seismology (Phivolcs), ang ciudad lang sang Bago sa Negros Occidental ang nakabatyag sang pagtay-og nga nagadangat sa Intensity 2.
